Novos lanzamentos editoriais apontoan o panorama da banda deseñada galega. Entre os máis destacados está a edición de luxo que Retranca Editora acaba de presentar de Pinturas de guerra, galardoada obra coa que o salmantino Ángel de la Calle optou a un dos premios do Festival de Angoulême. As súas 308 páxinas a branco e negro narran a historia dun español que chega a París na procura de documentación sobre a actriz Jean Seberg e acaba envolto nunha trama de represión contra pintores latinoamericanos que fuxiron das ditaduras militares dos seus países.
Pola súa banda, Xerais acaba de presentar a edición en galego de Aprende banda deseñada con Fiz, obra na que Kiko da Silva recupera o seu personaxe para achegar a creación da novena arte ao público máis cativo a mesturar exercicios e historias.
Pola súa banda, o guionista vigués David Braña asina, con debuxos de Ángel Amaro El azote. Esta historia de zombies é parte dos lanzamentos inaugurais do proxecto Tebeox, que aposta pola edición dixital de cómic.
