A Deputación da Coruña acaba de lanzar a edición en galego de O inferno do debuxante, a obra coa que Kiko da Silva gañaba en 2014 o Premio Castelao de Banda Deseñada. A obra xa fora publicada en castelán pola editora Dibbuks. En paralelo, Fernando Llorente, autor que se fixo co galardón o pasado ano, autoeditou a versión en castelán de La carreta del Diablo, a obra gañadora. Pola súa banda, Mariano Casas acaba de publicar na rede El nuevo ídolo de Marc, unha historia sobre a ética no deporte que ve a luz no marco do proxecto universitario Iris.
