Cuberta do libro
O Consello da Cultura Galega presentou o pasado venres a publicación facsimilar Antonio Fraguas Fraguas. Primeiros estudos etnográficos (1930-1932), que recolle os primeiros catro textos que don Antonio Fraguas deu ao prelo sobre os temas que logo marcarían toda a súa actividade divulgadora e investigadora. Os catro foron publicados na revista Nós. Boletín mensual da cultura galega entre 1930 e 1932. Trátase de "O entroido nas terras do Sul de Cotobade", "O culto ós mortos", "Do folk-lore de Armeses-Listanco" e "As lêndas da Fonte Pormás". A publicación pódese descargar de balde no web do Consello da Cultura Galega.
