O proxecto aRi(t)mar Galiza e Portugal, que entrega cada ano os seus recoñecementos ás mellores cancións e poemas das dúas bandas da raia, daba a coñecer onte un novo galardón. A cantora Uxía era homenaxeada onte co premio especial do xurado á Embaixada da amizade galego-lusófona. Segundo explica a organización deste certame, "o seu traballo delongado leva abertos novos e múltiples camiños na restauración das pontes dos afectos e do recoñecemento mutuo entre Galiza e a Lusofonía, cun labor permanente de reinserción da cultura galega nese seu verdadeiro espazo natural".
As votacións dos premios, que organizan a Escola Oficial de Idiomas de Santiago e mais a Consellería de Cultura, seleccionaron Que non mo neguen de Tanxugueiras como mellor canción galega do último ano e Efeito do Observador de Os Azeitonas como mellor tema portugués. Está aberto ata o vindeiro 10 de maio o prazo para votar os mellores poemas do ano. As propostas premiadas reuniranse nunha gala que se anunciará proximamente.
![O aRi[t]mar reivindica as pontes literarias tendidas polo escritor José Viale Moutinho no seu premio especial](https://culturagalega.gal/imaxes/edicion/viale.jpg)
![Guadi Galego gaña o certame 'aRi[t]mar galiza e portugal' á canción galega](https://culturagalega.gal/imaxes/edicion/guadigalego_costuras_2.jpg)
