Xisco Feijóo e Ana Moura fanse cos Premios Ari(t)mar de música

A Escola Oficial de Idiomas de Santiago de Compostela daba a coñecer este 22 de marzo o fallo do Premio Ari(t)mar Galiza e Portugal na categoría de música. Os 5.500 votos recibidos pola organización determinaron que Peixe, de Xisco Feijóo, fose elixida Mellor Música do Ano 2021 na Galiza. En Portugal, pola súa banda, as votacións seleccionaron Andorinhas, de Ana Moura, como mellor traballo.

Na categoría galega quedaron en segunda e terceira posición Pobo de Artistas de Dakidarría, e Maneo de Cambre, de Caamaño&Ameixeiras, mentres na lusa o segundo e terceiro posto foron para Estou por tudo, de Miguel Araújo, e Eco, de Carolina Deslandes. As vencedoras foron escolleitas entre dez músicas galegas finalistas e outras tantas portuguesas.