Galicia Escena Pro achegará 17 obras íntegras e 10 en formato Pitching

A Axencia Galega das Industrias Culturais acaba de facer pública a selección de obras que farán parte da vindeira edición do Galicia Escena Pro, primeira coorganizada con Escena Galega. O mercado de artes escénicas que se celebra en Compostela entre os días 10 e 13 de xuño vindeiros. En total o evento programará en Compostela un total de 17 obras íntegras e 10 en formato pitching de compañías galegas, ás que se suman un espectáculo seleccionado da Comunidade de Madrid (MADferia) e dous espectáculos seleccionados entre Cantabria, Asturias e Euskadi (Camiño Escena Norte).


A comisión de valoración, conformada por Marta Núñez, Begoña Llamosas, Raquel Hernández e Juan Rodríguez, realizou a selección entre 59 espectáculos en formato completo e 24 propostas en formato pitching presentadas, unha destacada mingua de participación a respecto da anterior edición, cando se avaliaran 91 espectáculos completos e 21 para pitching.

Coa intención de "procurar un equilibrio de linguaxes, poéticas e formatos, así como unha participación compensada entre as compañías con máis traxectoria e as máis novas", así como de "valorar a presenza equilibrada e real das mulleres en diferentes responsabilidades artísticas" e de "defender a participación de proxectos xerados no ámbito profesional e que garantan profesionalidade no proceso de produción", o comité priorizou nunha segunda fase as compañías que non tiveran presenza previa no evento.

Finalmente a listaxe de propostas seleccionadas ficou, tal e como recolle o web da Agadic:

ESPECTÁCULOS EN FORMATO COMPLETO

ADULTO:

A compañeira de piso, de Contraproducións
Bernarda,de Malasombra Producións
Despois das ondas, de ButacaZero - Deputación da Coruña
Dúas donas que bailan, de Teatro do Atlántico
Idiota, de Redrum Teatro
Involución, de Compañía N+1
Liberto, de Amarelas Producións
O empapelado amarelo, de A quinta do cuadrante

INFANTIL/FAMILIAR:

A toupiña que quería saber quen lle fixera iso na cabeza, de A xanela do maxín
Circopeta, de Odaiko
Mai Mai, de Baobab Teatro
Ummm!!!, de Avento Producións Teatrais

NOVAS LINGUAXES:

A gala, de Licenciada Sotelo
As vacacións máis longas, de Diego M. Buceta
Deixa de tocala,Sam, de AveLina Pérez & Velpister
Pink Unicorns, de La Macana

TEATRO DE RÚA:

OhOlimpiadas!!!, de Compañía Sincronacidas


PROXECTOS EN FORMATO PITCHING

C´est pas possible!, de Marta Iglesias
Clausura do amor, de Cámara Negra Producións
Dreaming Juliet, de Elefante Elegante
Illas desertas, de Artesa Cía.
Lixo, de O baúl da tía Tola
Nun cuarto da rotonda, de Acusmaster Opus
O mel non caduca, de Ibuprofeno Teatro
Os nenos da varíola, de Pérez&Fernández
Todas as marabillas do mundo, de Producións Dispersas
Voa, voa!, de Talía Teatro