A sede da sociedade "La Nacional. The Spanish benevolent" en Nova York acolle desde hoxe a exposición As benvidas, segunda mostra que o Consello da Cultura Galega presenta nesta cidade. O proxecto, comisariado por James D. Fernández e Luis Argeo, recolle un traballo de case dez anos de dixitalización de arquivos familiares dos descendentes españoles en EE. UU. Fotografías, documentos persoais e outros materiais reflicten a chega dos emigrantes a este país. A exposición pretende servir como contrapunto de Os adeuses, mostra de fotografías de Alberto Martí centrada nas partidas da emigración e que o Consello da Cultura ten actualmente en marcha no Museo das Migracións de Ellis Island.
