Representación de 'Mai Mai' Foto: Baobab Teatro
A compañía pontevedresa Baobab Teatro aborda un tema ecoloxista na súa última montaxe Mai Mai. A compañía de espectáculos infantís presenta a historia do derradeiro oso panda do planeta, Mai Mai, e a súa loita por sobrevivir nun mundo no que o quentamento global e a contaminación están afectando a todo o entorno natural onde habita este derradeiro exemplar da especie. Unha historia tenra e moi divertida na que dúas personaxes , unha muller emprendedora e un fotógrafo atópanse na busca de Mai Mai. Unha historia que fala de revolución, que plasma o empoderamento da muller e fará meditar ao público sobre o que está a pasar co noso planeta. Óscar Ferreira, Xosé Manuel Esperante e Andrea Bayer dan vida ás personaxes. Ferreira encárgase da dirección sobre un texto de Bayer.
