Dúas compañías galegas levan ao Fetén os seus espectáculos para pícaros

Actores e títeres sérvenlle a Caramuxo Teatro para contar a historia de Pío, un pequeno paxaro que nace só no bosque sen ningún referente a seguir pero que coñece no camiño a un montón de animais ata que se sinte libre como paxariño e sente o impulso de voar. Caramuxo acode por segundo ano consecutivo ao Fetén, feira europea de artes escénicas para nenos e nenas que se celebra en Xixón do 24 de febreiro ao 1 de marzo. A súa actuación terá lugar o mesmo día que a de Baobab, a compañía pontevedresa que presenta Babs, un planeta moi pequeño con só tres habitantes: mamá, papá e Babo, un ser moi pequeño que precisa investigar e descubrir o mundo sen a protección dos seus país. Ambas as dúas compañías achegarán os seus espectáculos o mesmo diá, pola mañá para programadores e pola tarde para público en xeral.