Detalle de Tres, a montaxe de Pisando Ovos
Pisando Ovos cambia de rexistro habitual (confrontación home e muller sobre o escenario) para falar da muller, pero non desde un punto de vista reivindicativo, senón de cómo somos e de cómo nos relacionamos entre nós. "Tres fala de tres amigas, das nosas inquietudes, de cómo nos sentimos, como o tema da maternidade, os soños e fantasías que nos rondan a cada unha e eses proxectos nos que estaría a túa vida focalizada" explica Rut Balbís, responsable da compañía. Como o título da montaxe, Rut Balbís, Andrea Quintana e Janet Novas pasaron tres meses investigando como trasladar esas motivacións e intencións ao movemento, sempre cos ritmos lentos e pausados que son habituais nesta compañía.
