Plano de El Halcón Milenario
O vindeiro 29 de marzo preséntase a que "posiblemente sexa a última exposición" de El Halcón Milenario. Os responsables deste espazo vigués dedicado á arte contemporánea, situado nunha vivenda convencional, anuncian que este ano supón o remate do proxecto que comezou a súa andaina en 2011. Federico Fernández Fredi protagoniza esta última mostra. O que foi Premio Nacional de Ilustración e antigo habitante do piso, presenta unha retrospectiva de dúas décadas de traballo, composta na súa maior parte por debuxos que logo apareceron en diferentes publicacións. El Halcón Milenario constituíu unha proposta anovadora no achegamento á arte, ca organización de mercadiños, propostas escénicas, concertos ou exposicións, na súa maior parte vencelladas ao movemento underground.
