Celso Parada. Fotografía da AAAG.
O actor e director Celso Parada foi nomeado pola Academia Galega de Teatro como membro de honra desta entidade. O colectivo, que conta con representantes de diferentes ámbitos da escena galega, recoñece así ao que foi fundador de Teatro do Morcego e desenvolveu unha intensa carreira interpretativa en teatro, televisión en cine que lle valeu galardóns como o Premio María Casares á mellor versión por Lazariño de Tormes ou o Premio Compostela ao mellor actor. O encontro anual da Academia celebrouse o pasado sábado en Cangas.
