O web Arqueolucus reúne o coñecemento arqueolóxico da cidade de Lugo

O Lugo romano, pero tamén o castrexo, xa ten un espazo referencial na rede. O web Arqueolucus, creado polo Servizo de Arqueoloxía do concello de Lugo canda un obradoiro de emprego municipal, reúne a través de diferentes tecnoloxías o coñecemento ao redor da arqueoloxía da cidade, nomeadamente romana. Informes e documentación dixitalizada, modelos 3D das pezas máis relevantes, abundante material gráfico ou aplicacións móbiles, permiten coñecer os resultados dun século de investigacións históricas ao redor de Lucus Augusti e o anterior poboamento da Idade do Ferro.