Proxecto de musealización da cloaca. Imaxe: Gil Pita - Nieto Peñamaría arquitectos
Por debaixo da sala de exposicións Porta Miñá en Lugo consérvase un tramo de 13 metros, en bo estado, da cloaca romana do século IV que facilitaba a saída de verquidos cara o río Miño. A cloaca fora descuberta polo Servizo de Arqueoloxía municipal nos anos 90. Aparecera unha estrutura abovedada de loseta con arxila, á que hoxe en día non é fácil de acceder desde a perspectiva dos visitantes. Agora rematouse o proxecto básico de intervención e en pouco tempo, segundo manifestou o concello a La Voz de Galicia, publicarase o concurso de licitación. O proxecto significará reescavar o espazo, axeitalo para a visita e drenalo para retirar a máxima humidade posible. O proxecto, elaborado polos arquitectos Gil Pita e Nieto Peñamaría, contempla a construción dunha plataforma que permita a observación deste espazo. Será a primeira estrutura romana de este tipo musealizada en Galicia.
