A exposición 'Alba de Gloria' volve ampliarse ata o 17 de marzo

Despois dunha primeira prórroga ata o 3 de marzo, o CCG decidiu ampliar o tempo da exposición "Alba de Gloria de Castelao. Unha experiencia" ata o 17 de marzo, domingo inclusive. Alba de Gloria foi visitada por 15.000 persoas desde a súa inauguración en novembro de 2018, con 150 grupos organizados e 10.000 copias do discurso repartidas aos visitantes. As cifras, xunto cos 40.000 visitantes que tivo a exposición "Castelao maxistral" da Cidade da Cultura, clausurada o pasado domingo 3 de marzo, revelan o gran interese pola figura de Castelao e a súa obra.