O Ministerio de Industria, Comercio e Turismo declarou o Entroido de Xinzo de Limia como Festa de Interese Turístico Internacional. Deste xeito, Xinzo convértese no cuarto entroido no Estado -xunto co de Tenerife, Cádiz e Águilas, en Murcia- en dispoñer deste distintivo que incrementa a súa visibilidade e promoción turística. En Galicia xa son once as festas de interese turístico internacional.
