A Xunta declara novas festas coma de Interese Turístico

A Festa do Polbo de Mugardos, a da Troita de Oroso, a do Monte da Guarda e mais o Encontro Degustación do Millo Corvo de Bueu, serán declaradas hoxe Festas de Interese Turístico. O Consello da Xunta que se reúne esta mañá aprobará estes títulos a proposta da Consellaría de Industria, e farase efectiva logo da publicación da mesma no Diario Oficial. Ao tempo, a Secretaría de Estado de Turismo outorgoulle ao Entroido de Verín o título de Festa de Interese Turístico Nacional, o que a fai a cuarta da provincia de Ourense en contar con esta distinción.