O Concello de Cambados facía onte pública a declaración da Festa do Albariño de Cambados como de Interese Turístico Internacional. O encontro dedicado ao viño, que celebrou este ano súa 66 edición, convértese así na décima festa galega e na primeira de carácter enogastronómico no país que acada esta distinción. A Secretaría de Turismo do Ministerio de Industria e Turismo envioulle ao concello unha comunicación na que informa de que outorga este título honorífico á celebración logo do informe favorable da Xunta sobrea mesma. A responsable local de Turismo, segundo informa La Voz de Galicia anunciou a súa intención de procurar agora novas declaracións para outras celebracións que se desenvolven no Concello.
