A Cidade da Cultura acolle a exposición Bibliotecas no espello

Unha selección de 80 facsímiles para amosar a riqueza do patrimonio literario e librario de Galicia e Portugal. Esta é a proposta da exposición Bibliotecas no espello que abría o pasado venres as súas portas na Biblioteca de Galicia, na Cidade da Cultura. A iniciativa, que se enmarca no programa Nortear, "pretende reflectir a evolución conxunta dos dous territorios e a paulatina separación dos seus camiños nos últimos séculos, a través da súa produción literaria e editorial máis salientable", segundo explica a Xunta.




A nova exposición, que recolle obras desde o século XI ata a actualidade inclúe reproducións das Cantigas de Santa María, o Códex Calixtino, Cantares Gallegos, Los precursores, Queixumes dos pinos ou mecanuscritos de José Saramago. A mostra estará aberta ata o vindeiro 19 de febreiro.