O plenario da Real Academia Galega de Belas Artes Nosa Señora do Rosario celebrou o pasado 15 de decembro a elección do seu presidente. O pintor Manuel Quintana Martelo foi elixido para un segundo mandato no posto que leva ocupando desde 2014. Canda a el, escolleuse a nova Xunta de Goberno da institución, composta por Celestino García Braña como vicepresidente; Felipe Senén López no cargo de secretario xeral, Miguel Fernández-Cid no posto de tesoureiro, María Victoria Carballo-Calero Ramos no rol de arquiveira-bibliotecaria, e Soledad Penalta Lorenzo a desempeñar a función de conservadora.
Segundo destaca a entidade, no primeiro mandato de Quintana Martelo desenvolvéronse iniciativas como a institucionalización do Días das Artes Galegas, as exposicións Maestro Mateo en el Museo del Prado, Castelao Grafista na Real Academia de Bellas Artes de San Fernando, ou a incorporación de mulleres como académicas nas diferentes seccións da institución.
