A asemblea extraordinaria da Real Academia Galega de Belas Artes Nosa Señora do Rosario que se celebrou o pasado sábado elixiu un novo presidente para esta institución. O pintor Manuel Quintana Martelo foi o seleccionado para o cargo, resultando a décimo quinta persoa en ocupar o cargo. Quintana, que fixo parte de movementos como Atlántica e que foi galardoado en 2012 do Premio da Cultura Galega, substitúe no posto a Mercedes Goicoa, que anunciou a súa renuncia o pasado mes de outubro por motivos de saúde.
