Manuel Quintana Martelo. Fotografía de Xurxo Lobato. Fonte: RABA
O pleno da Real Academia Galega de Belas Artes aprobou este sábado 26 de novembro a reelección de Manuel Quintana Martelo como presidente da institución. O artista recunca así no posto que desempeña desde 2014 por un período de catro anos máis. Segundo os estatutos da entidade, este será o último mandato do pintor no cargo.
A coincidir coa sesión extraordinaria na que se realizou a elección, a Academia celebrou unha sesión ordinaria durante a cal nomeou como novos académicos correspondentes o arqueólogo Santiago Ferrer Sierra, e o investigador Juan Raúl López Naya, que foi traballador da entidade ata a súa xubilación en 2019. Canda a eles foron elixidos o historiador de cine José Luis Castro de Paz e o compositor Xavier de Paz López Nóvoa.
