Teatro da Ramboia faise co I Certame Manuel María de Proxectos Teatrais

Unha versión de O meu mundo non é deste reino ou Farsa de Bululú de Manuel María valeulle a Teatro da Ramboia facerse co I Certame Manuel María de Proxectos Teatrais. A compañías, composta por María Peinado, Fran Lareu, Anxo García e Germán Gundín foi seleccionada pola súa proposta sobre este texto de Manuel María, unha parodia sobre a dictadura franquista na que o xurado destacou "o amplo abano de público ao que se dirixe; a diversidade de espazos e ambientes nos que pode ser escenificado e a probada calidade artística do elenco que se propón, tanto na área do teatro actoral como na de monicreques, así como a súa coherencia co universo dramático de Manuel María e, en concreto, coa obra escollida". A obra, que mestura títeres e actores sobre escena estrearase o vindeiro mes de setembro.

O galardón está dotado con 2.000 euros en metálico e o compromiso de contratación da obra resultante por parte para un total de 26 representacións por parte dos 23 concellos e das tres deputacións que promoven o certame en colaboración coa Cada Museo de Manuel María. Manuel Lourenzo, Belén Pichel, Quico Cadaval e Alberte Ansede foron os membros do xurado.