Salinas de A Guarda. Foto: Web do concello de A Guarda
As escavacións levadas a cabo nas salinas do Seixal e Camposancos, na Guarda, permitiron afirmar aos investigadores Mar Cortegoso e Brais Currás que formaban parte do "maior complexo de explotación do sal mariño ata agora documentado en todo o Imperio Romano". Este conxunto de explotacións de sal estaría ubicado en Vigo, Cangas, Oia, Viana do Castelo e Matosinhos. As salinas estarían en uso coexistindo co castro de Santa Tegra e, segundo os arqueólogos, ese sal podería estar destinado á salgadura do peixe, o cal revelaría a importancia desta industria xa neses momentos na costa galega.
