Un total de oito relatorios que abordarán cuestións como divulgación científica e lingua, a autoestima no deporte e na fala, a concienciación lingüística fóra do noso país, a crianza en galego ou o emprego cultura pop para conectar coas novas xeracións. Esta é a proposta que achega a cuarta xeira de LGx15, o proxecto para a difusión de ideas para o futuro da lingua, que se desenvolverá na Compostelá Sala Capitol o vindeiro 15 de novembro. Javier Balea, Eira Losada, Mercé Barrientos, Inma Gil Rosendo, Manolo Maseda, Xema Varela, Ruth Caramés e o youtubeiro Aquel-e serán os responsables de achegar as súas perspectivas sobre a cuestión. Canda a eles, o programa que conducirán as regueifeiras Alba María e Lupe Blanco inclúe a actuación musical de Brais Morán. As conferencias publicaranse posteriormente na rede.
