O web da Axencia Galega das Industrias Culturais (Agadic) recollía onte o fallo da primeira fase das "subvencións para o desenvolvemento de cinco proxectos e para a posterior produción dunha obra audiovisual que fomente a difusión dos valores culturais do Camiño de Santiago". Esta liña de axudas concedeu apoio para cinco propostas de temática xacobea entre as que se seleccionará unha para a que se prevé un apoio económico de ata 1,5 millóns de euros.
Os cinco proxectos que se seleccionaron nesta primeira fase dos sete que se someteron a valoración foron todos series para televisión que recibirán 15.000 euros para o seu desenvolvemento. El camino, é o proxecto de Portocabo TV, mentres Zenit Televisión propuxo 100 km. El camino, Ficción Producciones Tres caminos, Agallas Films Mi camino e Diez Caminos o proxecto O legado de Matthew Steward. Ficaron fóra dos seleccionados Iacobus, o misterio das catro
chaves da produtora CTV e Compositum Tellus, terra de meigas de Galicia Final del Camino.
