A Axencia Galega das Industrias Culturais publicou a resolución de catro das cinco liñas de axudas de convocara este ano. En concreto, trátase dos subsidios destinados á promoción do talento audiovisual, á produción de curtametraxes e mais ao desenvolvemento de proxectos fílmicos e contidos interactivos, que se repartirán un total de 674.097 euros. Benefícianse destas axudas 55 proxectos audiovisuais presentados por 49 produtoras, sendo o maior porcentaxe, 209.239 euros, o destinado ao desenvolvemento de contidos interactivos.
No apartado das longametraxes, AGADIC acordou apoiar o desenvolvemento dos títulos de ficción Limpeza de sangue, de Filmanova Invest, O pai, de Adivina Producciones, Trazo de xiz, de Abano Producións, Prisciliano, o último cristián de Formateo, Rosalía de O Raio Verde Medios Dixitais, Welcome to Harmony de Vaca Films, Cruceiros de Frida Films, Las altas presiones de Matriuska Producciones e Máximo de Xamalú Filmes. Tamén os documentais Bailadela de Ficción Producciones e Grupo Nove de Esmerarte Servicios Artístico, así como os filmes para televisión Don Necesario, de Producións A Fonsagrada e Lobos sucios de Continental Producciones e mais o captíulo piloto da serie de animación Atlas do Planeta Mincha, de Mondotropo.
