Convócase o premio de tradución Xela Arias

Co obxectivo de dar a coñecer a figura da poeta e tradutora Xela Arias (falecida en 2003), a Asociación Galega de Profesionais da Tradución e a Interpretación convocou por primeira vez o premio de tradución Xela Arias. Ten un carácter simbólico, sen dotación económica, e con el quérese premiar a empresas, entidades ou persoas que destaquen pola promoción da tradución ou interpretación cara ou desde o galego. As candidaturas deben ser remitidas á asociación por correo electrónico (info@agpti.org) cun prazo máximo do 18 de outubro. O fallo será público o día 30 deste mes.