Pontevedra acollía onte a presentación de Kalandraka.tv, a canle audiovisual en Internet que acaba de presentar a editora. O novo proxecto achega novas, reportaxes, entrevistas, booktrailers e outros contidos sobre literatura infantil e xuvenil, orientados tanto ao público lector máis novo como a librarías, bibliotecas ou profesionais deste ámbito. Visitas aos obradoiros de creadores, repasos da traxectoria de clásicos das letras, encontros entre escritores e ilustradores ou visitas a lugares dedicados aos libros para crianzas, así como información das novidades da propia editora, son algunhas das propostas que se poden consultar xa no web desta iniciativa.
