O grupo Fonmiñá inicia hoxe, 10 de setembro, a corenta xeira da Semana Internacional de Cine de Autor de Lugo. Para conmemorar o aniversario deste veterano evento, a entidade presentou un programa especial cunha duración estendida, ata o vindeiro día 21, cun total de 165 filmes que se poderán ver en seis espazos diferentes. En total, desenvolveranse trece ciclos diferentes, Infantil, O Mellor do Ano, Sección Oficial, E para comer... Lugo, Arte de Cine, Ciclo Cárceres, Grandes Historias, Cine Galego, Sección Especial, Encontros de Cine, Cine Nostálxico e Curtas de Cine. Desenvolverase tamén unha homenaxe a Rosario Durcal, actriz nacida en Lugo que obtivo grande éxito co seu traballo en México.
A coincidir co aniversario, Fonmiñá presentará o volume 40 semanas de cine en Lugo, a cargo de Xulio Xiz, presidente do colectivo e de Manuel Curil, director da Semana, a repasar a historia do evento.
