Falece o escritor Víctor Campio Pereira a piques de recibir unha homenaxe

A Xª edición da Festa da palabra da Fundación Insua dos Poetas preparaba para o vindeiro sábado unha homenaxe a Víctor Campio Pereira polo seu 90 aniversario (o pasado 15 de xullo) xa non se poderá facer co escritor presente. O falecemento hoxe de Víctor Campio (Garabás, Maside, 1928-2018) caeu de súpeto cando se ultimaban as celebracións das que ía ser o centro. A nova coñeceuse a través dunha mensaxe publicada polo Secretario Xeral de Cultura, Anxo Lorenzo, na súa conta de Twitter. O escritor, que desenvolveu a súa carreira profesional no ensino primario e secundaria no IES As Lagoas, cultivou os diferentes xéneros publicando narrativa, ensaio e poesía. Foi nesta última opción onde máis publicou sendo a súa derradeira obra Quince sonetos de amor e once poemas máis (2011, Deputación de Ourense/Xunta de Galicia). Con motivo da vindeira homenaxe a Fundación Carlos Casares lembraba recentemente unhas declaracións feitas nunha entrevista para o xronal La Voz de Galicia polo escritor nese ano 2011 nas que dicía:"Atreveríame a dicir que na miña obra, antes que nada, o que se busca é o volver pola lingua e pola nosa cultura".

Chega a triste nova do pasamento do poeta Víctor Campio Pereiro, a que se lle rende homenaxe este sábado na Festa da Palabra na @insuadospoetas @pengalicia @conscultura @LuisGTosar @valentin_garci @RomanLalin pic.twitter.com/qCO2SR7QQe

— Anxo M. Lorenzo (@alorenzo64) 24 de julio de 2018