A Insua dos Poetas acollerá a IV Festa da Palabra

A coincidir co centenario de Celso Emilio Ferreiro, a IV Festa da Palabra conmemorará o poeta de Celanova na Ínsua dos Poetas. Este espazo de Esgueva-Madarnás (O Carballiño) acolle o vindeiro sábado 28 un programa que inclúe intervencións de Ramón Nicolás e de Luís González Tosar e mais a entronización da escultura Irmaus de Manuel Penín. Canda a isto entregaranse os premios Sete Carballas, e un recital poético e mais un xantar de fraternidade fecharán o programa. Os actos están coordinados pola Fundación Insua dos Poetas, que preside Luís González Tosar.