Un novo web quere promover o destino científico en Galicia

O medio dixital GCiencia, en colaboración con Observer Turismo Científico e co apoio da Deputación da Coruña acaba de presentar Destinos de ciencia. Este novo web pretende promover a cultura científica no noso país a pór de relevo os recursos deste tipo que están na nosa xeografía, a atender tanto a espazos naturais como a contornas urbanas. Entrevistas, reportaxes e información achegarán información sobre destinos xeolóxicos, espeleolóxicos, naturais, de ornitoloxía, museos, observación de estrelas e outros contidos farán parte da nova iniciativa, que xa publicou os seus primeiros contidos.