Kaldarte profesionalízase na súa XXI edición

O autores dos seis proxectos que se seleccionen para facer parte da vixésima primeira edición de Kaldarte, que se celebrará do 9 ao 13 de xullo en Caldas de Reis, recibirán por vez primeira unha dotación económica polo seu traballo. O encontro de arte efémero dá así un importante paso para a súa profesionalización, segundo recolle a convocatoria de proxectos e se fai eco hoxe o Diario de Pontevedra. A falta dunha semana para rematar o prazo, hai xa trinta proxectos que aspiran a facer parte desta iniciativa. Os seleccionados recibirán ata 600 euros por proxecto en concepto de produción e outros catrocentos para cubrir dietas. A organización propón como tema para esta xeira o título "& 21".