Juan Luís Pintos. Fotografía da USC
Profesor da Área de Socioloxía na Facultade de Ciencias Políticas e Sociais da Universidade de Santiago de Compostela e director do Departamento de Socioloxía e Ciencia Política da Administración, Juan Luís Pintos de Cea-Naharro falecía o pasado 30 de maio, aos 78 anos de idade. Cunha ampla obra sobre a socioloxía da relixión, destacou tamén polo seu labor de investigación no campo dos imaxinarios sociais. Sobre este ámbito fundou en 2001 o Grupo Compostela de Imaxinarios Sociais. Foi ademais un grande divulgador da ciencia-ficción en Galicia, con abondosas colaboracións e publicacións deste campo. Fundou e presidiu a Asociación Galega de Ciencia Ficción (AGASF) e colaborou con Culturagalega.org realizando recensións sobre diferentes obras de ensaio.
