Analizar os tecidos culturais, sociais e empresarial para axudar ó seu desenvolvemento é o obxectivo do Grupo Compostela de Estudios sobre Imaxinarios Sociais (GCIS) que se acaba de presentar. Este colectivo, coordinado polo profesor Juan-Luis Pintos, da Universidade de Santiago, amplía a investigación social e reforza a cooperación universitaria con latinoamérica.
Grupo de asesoramento
Uns corenta investigadores coordinados en Europa polo profesor Juan-Luis Pintos e no apartado latinoamericane polo profesor Manuel Antonio Baeza, do Departamento de Socioloxía da Universidade de Concepción en Chile. Coa creación deste grupo preténdese aumentar os estudios nos tecidos cultural, social e empresarial. Así, poderían cumprir algúns dos seus obxectivos, como o de asesorar a institución e empresas en cuestión de identidade e imaxe, aportando datos sobre as consideracións que a sociedade ten sobre a imaxe. Ademais, o CGEI ten previsto preparar estudios para orientar unha rápida toma de decisións no eido empresarial e político.
Cambio social
Os cambios que se teñen producido na sociedade nas últimas décadas, motivou a necesidade de renovar a técnicas e os métodos de análise que se estaban empregando. Así, este grupo asume o reto de renovarse aproveitando as últimas tecnoloxías de comunicación.
Novos tempos, novos conceptos
Eses cambios sociais que motivan a necesidade de novas técnicas, implican, a maiores a utlización de novos conceptos cos que retomar os que quedaron obsoletos. E eses conceptos son os chamados "imaxinarios sociais", ou os esquemas compartidos que a sociedade emprega para definir a realidade do seu entorno.
