A Real Academia Galega de Belas Artes Nosa Señora do Rosario conta desde a pasada fin de semana con dúas mulleres máis entre os seus membros. O plenario da institución acordou este sábado 26 de maio seleccionar como académica a escultora Soledad Penalta Lorenzo, que se integrará na sección de Escultura na praza que ocupaba o falecido Ramón Otero Túñez. Canda a ela, ingresa na institución a pintora Carmen Lamas Pérez (Menchu Lamas) que cobre a vacante de Felipe Criado na sección de Pintura e Gravado.
