Na tarde de onte finaba en Barcelona, aos 82 anos de idade, Ramón Chao. O histórico xornalista, Cabaleiro das Artes e as Letras en Francia e Premio Galicia de Comunicación, foi responsable durante anos do servizo cultural en español e portugués de Radio Francia e colaborador de medios como Triunfo ou Le Monde. Comprometido activista a prol da nosa lingua e cultura, foi autor dunha ampla obra literaria e ensaÃstica na que se inclúen textos sobre a globalización, estudos sobre La Bella Otero, Prisciliano, o Che ou o Prestige entre outras múltiples cuestións. Nos últimos anos foi obxecto de diferentes recoñecementos en Galicia, entre eles o da súa Vilalba Natal, onde se lle dedicou unha escultura. Ramón Chao é coñecido tamén por ser pai do músico Manu Chao.
