Peche de carteis en Portamérica, Elas Son Artistas e 17º Ribeira Sacra

Unha das semana máis musicais da escena galega tamén deu de sí noticias sobre os futuros festivais. Dúas das citas relevantes do verán, Portamérica e 17 grados Ribeira Sacra pecharon esta semana os seus carteis artísticos e presentaron a distribución por días, tan importante para a boa planificación do público interesado. Tamén, e máis próximo en datas, o Festival Elas Son Artistas , ven de pechar o seu cartel coa incorporación das madrileñas Juanita Banana e a banda local Romance o sábado 2 de xuño, uníndose as xa confirmadas Ele, Berta Bittersweet, Rebeca Lane, Turma Caipira, Nastasia Zürcher e Femininoplural. Elas Son Artistas é un proxecto gañador do 1º Concurso de Ideas pola Igualdade na Cultura “Luisa Villalta” da Deputación da Coruña. É unha celebración da muller como artista, como creadora, e coas mulleres sendo as grandes protagonistas. O festival terá actuacións polos concellos de A Coruña, Arteixo, Betanzos, Cambre, Culleredo, Oleiros e Sada do 31 de maio ao 6 de xuño.

O festival da carballeira de Caldas, Portamérica, rematou esta semana as súas confirmación para a nova edición incorporando a actuación de Xoel López, que este ano está de xira co seu aclamado traballo Sueños Y Pan (Esmerarte, 2017). Á oferta da cita portamericana súmanse tamén Jenny and teh mexicats e Pasajero, pechando un cartel que o xoves 5 de xuño estará encabezado por Imelda May e tamén contará coa actuación das rusas Pussy Riot entre outros. O venres Vetusta Morla copa a cabeza da oferta sobre outros dez artistas e grupos dese día; será o sábado 7 cando o Portamérica unirá na parte alta as actuacións de Izal e Xoel López nunha xornada an que tamén estarán os mexicanos Mexrrisey e os Dj ELYELLA, entre outros.

Morgan, Puerto Candelaria e Holly Miranda súmanse ao cartel do Festival 17º Ribeira Sacra, que celebrará a súa segunda edición do 27 de xullo ao 5 de agosto de 2018 que tamén presentou xa o seu cartaz distribuído por días e espazos. Estas novas confirmacións daranlle a réplica a primeira fin de semana de celebración do Festival 17º Ribeira Sacra a Coque Malla, Woods, Ten Fé, Mujeres e Fuckaine, artistas xa confirmados no cartel. O Festival 17º Ribeira Sacra regresa en 2018 para propoñer a última fin de semana de xullo (27-29) unha experiencia única ao redor da música en directo e da cultura do viño nunha zona de excelencia vitivinícola. E, todo iso, amparado polo patrimonio natural e cultural da Ribeira Sacra. Localizado en escenarios singulares dos municipios de Sober e Chantada durante o día, feito que propicia a exclusividade da cita, o festival completará de novo o seu cartel con concertos nocturnos en Monforte de Lemos orientados ao gran público, e programará, tamén, actividades gastronómicas e eventos exclusivos relacionados coa cultura do viño e coa paisaxe.