A Xunta declara BIC o baile tradicional galego

A Consellería de Cultura publicou hoxe no Diario Oficial o expediente de incoación do baile tradicional galego como Ben de Interese Cultural, procedendo a rexistralo no Rexistro de Bens Culturais de Galicia e comunicación ao Inventario Xeral do Patrimonio Cultural Inmaterial do Estado. Na declaración descríbese o baile tradicional galego como "a arte da expresión corporal en sociedade creada polo pobo galego que identifica a súa singularidade respecto dun fenómeno universal nas diferentes comunidades en todo o mundo".