O X Ciclo de Música Relixiosa de Barcia de Mera achega a música clásica ao rural

Onte presentouse o X Ciclo de Música Relixiosa de Barcia de Mera. A igrexa desta parroquia do concello de Covelo (Pontevedra) acollerá ao longo da primavera e o verán, comezando este 28 de abril, unha nutrida programación musical na que participan a Orquestra de Cámara Galega, o Cuarteto Filhantrompia, a Camerata Brigantina e a Real Filharmonía de Galicia. Ademáis, interpretarase a ópera Sor Angélica, de Puccini, a cargo de Voz Stellae.