Barcia de Mera acolle a VI edición do seu ciclo de Música Relixiosa

O vindeiro 26 de abril a música voltará encher a igrexa de San Martiño de Barcia de Mera en Covelo, Mondariz. O templo acolle ese día o primeiro concerto do seu VI Ciclo de Música Relixiosa a cargo de Ensemble Vocal Thesaurus que interpretará música da corte aragonesa. A eles seguiralles o 24 de maio Vox Stellae Ensembre cun concerto de música barroca e arias de ópera e oratorio a cargo de Diego Neira e Cecilia Rodríguez-Morán en xuño. Para xullo está programado un recital de Bach por Joaquín Barreira, órgano, e Xabi Louriña, frauta, mentre en agosto será a quenda da misa mozárabe da man de Voz Organalis. O ciclo remata o 20 de setembro coa actuación de Marta Velasco, mezzosoprano, e Ramiro Morales, tiorba, a interpretar un amplo repertorio barroco. O programa presentouse onte no Balneario de Mondariz co apoio da Consellaría de Cultura