Pistacatro integra malabares e música no seu novo proxecto

O Coliseum da Coruña acollía este luns nove de abril a estrea da nova montaxe de Pistacatro. Orquestra de Malabares é un espectáculo que narra "as corredorías que lles acontecen a dúas compañías de artistas (malabaristas e músicos) ó chegar ó momento da actuación perante o público". Con dirección musical de Manuel Paino, a proposta integra o traballo de bandas de música locais coa actuación de seis malabaristas ao ritmo do son. Arturo Cobas, Dulce Duca, Dani Fausto, Aitor Garuz, Santi Montero, Guillermo Porta e Xampi poñen en escena o novo espectáculo, que se desenvolveu mediante unha residencia na Sala Agustín Magán de Compostela.