Galicia experimenta un forte ascenso en conexións a Internet

Durante o 2017, Galicia incrementou a porcentaxe de usuarios conectados en Internet nun 6,4%, superando a media estatal que está nun 5 por cento. Nestes momentos, un 79,4 por cento dos galegos empregaron Internet nos últimos meses. O maior incremento, en tramos de idade, rexistrouse entre os cidadáns de entre sesenta e cinco e setenta e catro anos, entre quen o uso da rede incrementouse un 45% con respecto a 2016. Outro dato de gran interese é a elevada conectividade da banda ancha no medio urbano, que se sitúa nun 95,8% fronte ao 84,3% da media estatal, e que contrasta coa conectividade máis baixa dos municipios de menor poboación, que está nun 72%.