A Rede Galega de Música ao Vivo presenta datas e artistas

Román Rodríguez, o Conselleiro de Cultura, presentou a programación da Rede Galega ao Vivo, que este ano ofrece 145 concertos en 23 salas de todo o país. Na programación deste ano concédese unha gran relevancia aos artistas galegos, que suman o 75% das contratacións. Entre eles están Marcos Teira, Aló Django, Víctor Aneiros, Dakidarría, Silvia Penide, Nani García Trío, Cora Sayers, Igloo, Mónica de Nut, Agoraphobia, Patricia Moon, Sumrrá, Brais Morán, Odaiko, Eladio y los Seres Queridos, Tato Trío, Habitación Vudú, Bakin Blues Band, Tiruleque ou Aldaolado. A programación comeza o 3 de febreiro e remata en xuño.