Leslie Freitas de Torres faise co Domingo Fontán

O Premio Domingo Fontán de Investigación Histórica convócase cada dous anos por dúas entidades: a Real Sociedade Económica de Amigos do País e a Universidade de Santiago de Compostela. Este ano, a premiada foi Leslie Freitas de Torres, quen recibirá 2.000 euros en metálico e a publicación da súa investigación, titulada José Gómez-Veiga Curros. El rostro de la música compostelana. Gómez-Veiga era xastre de profesión e un músico moi presente nos diferentes círculos sociais da cidade no século XIX, así como mestre de música na Sociedade Económica.