A Axencia Galega das Industrias Culturais (Agadic) publica hoxe no Diario Oficial de Galicia as bases das subvencións a salas privadas de artes escénicas para 2018, ás que destina 70.000 euros. Son axudas para "desenvolver programacións artísticas de carácter profesional", fomentando a "estabilidade". As axudas van destinadas a espazos dunha capacidade máxima de 250 butacas. Cada sala pode recibir un máximo de 30.000 euros. Entre os criterios, valorarase a antigüidade, o número de funcións en cartel, a contratación de compañías galegas ou o desenvolvemento de programa complementarios.
