A casa de Axóuxere Editora na aldea de Brión (Rianxo) acollerá de novo o proxecto de Residencias para as vindeira primavera (abril-maio) e verán (xullo-agosto) de 2018. A editora ven de iniciar o proceso de convocatoria mantendo a que en anos anteriores fixeran a escritores e abríndoa á pensadores que quixeran utilizar este marco para o seu traballo. Deste xeito desde Axóuxere pretenden potenciar a investigación e o desenvolvemento de procesos de pensamento grazas ao seu espazo orientado permitir a liberdade creativa "sen condicionamentos e alleos a calquera lóxica de carácter produtivista". As condicións e as formalidades para a presentación de proxectos, cuxo prazo de recepción xa está aberto, poden atoparse no seu blogue. Estas residencias están co-xestionadas entre Axóuxere Editora e o Concello de Rianxo.
