A RAG oficializa a proposta de Ana Romaní como académica

O Pleno da Real Academia Galega fixo oficial a proposta da xornalista Ana Romaní para ocupar a vacante da cadeira de Xohana Torres, finada o pasado setembro. Aínda que a candidatura terá que ser sometida a votación no vindeiro Pleno ordinario, a candidatura de Romaní é a única, co cal está garantida a súa entrada como académica da RAG. Ana Romaní é a directora do Diario cultural da Radio Galega desde o ano 1990. Tamén ten unha destacada actividade como creadora literaria, especialmente no ámbito da poesía.