Onte a empresa encargada entregou ao concello de Camariñas a caseta de Manfred Gnädinger, Man de Camelle, o anacoreta que se convertiu nun icono vivo da Costa da Morte e que morreu durante a crise do Prestige, hai xa quince anos. A rehabilitación foi promovida polo concello de Camariñas cunha axuda da Deputación, e tivo un custe total de 25.000 euros. A finais de xaneiro serán depositadas nela as cinzas do alemán.
